viernes, 7 de junio de 2024

La colección, Juan Mayorga

Ayeri, miércoles estrenábase nel teatru Palacio Valdés d'Avilés la obra La Colección, l'últimu testu del Premiu Princesa d'Asturies de les artes Juan Mayorga.

Enriba les tables taba la compañía 'El Teatro de la Abadía' con José Sacristán, Ana Marzoa (con un brazu inmovilizáu que nun-y torgó la so gran actuación), Zaira Montes y Ignacio Jiménez. Los dos primeros desempeñaron un papel impresionante llevando'l tiempu y el ritmu de la obra según-yos convenía, sabiendo ónde había que parar pa que'l públicu nun perdiere un res del testu y llevantándolu al final de la obra.

Too ello nun escenariu simple, enllén de caxes que guardarán algún día los oxetos de "la colección" y pente les qu'anden los actores.

La colección ye un reflexón al rodiu de la herencia d'un matrimoniu que quieren dexar a dalguién too aquello polo que tuvieron viviendo dende que s'alcontraron l'ún al otru, la so vida, la so "colección". Una colección que naide nun sabe lo que ye y ye ehí ónde entra en xuegu'l maxín del espectador... recuerdos, llibertá, amor... ¿qué ye la colección?

Pues nun dexes de ver esta gran obra pa tener la to opinión.


© Teatro de la Abadía

sábado, 19 de febrero de 2022

Titiriscopio-FETEN 2022

Si quies viaxar al mundu del teatru y facelo a pequeña escala en Titiriscopio tienes esi viaxe al centru del teatru, tanto del edificiu como de la construcción.


La compañía Arawake Theatre trai’l primer teatru en miniatura, el Titiriscopio, una escala del teatru de Burgos, na qu’amuesen al espectador una obra teatral con personaxes minúsculos y con hologrames que se ven al traviés d’unos tubos metálicos que t’asitien en primer fila, palcu, entesuelu, platea y gallineru (paraísu).


Una representación xigante gracies a les manes del titiriteru Félix Muñiz y la pallabra de Jorge da Rocha, un conxuntu escénicu impresionante que nun dexa desencantáu a los neños y neñes, nin a non los que nun lo somos tanto, con obres pa la reciella y tamién obres pa la sesión golfa.





Awareke y su Titiriscopio dexen un gran sabor de boca nesti FETEN 2022 pol que toos naguábemos dempués de la pandemia del COVID-19.


Norabona por esta actuación y gracies por facer esfrutar a los neños y neñes y a los mayores.


Llugar: Paséu de Begoña (Xixón)

Día: 15 de febreru

Hora: 18:00

Duración: 10-15 minutos



miércoles, 6 de noviembre de 2019

Teatru n’asturianu en Xixón (2011-2013) / Asturian theater in Xixón (Asturies)

   Ye oxetivu del presente trabayu, parte xebrada d’un estudiu más ampliu, presentar un breve estudiu de calter semióticu sobre’l teatru representáu en llingua asturiana na villa de Xixón ente los años 2011-2013, siguiendo la metodoloxía de la semiótica teatral propuesta pol profesor José Nicolás Romera Castillo; l’estudiu mencionáu constitúi nesti sen el primer trabayu que se fai al respeutive d’esta materia acordies con criterios d’análisis sistemáticos y rigurosos de la citada metodoloxía. L’artículu estáyase en seis epígrafes, presentándose nél sinón toes sí les más de representaciones teatrales feches n’asturianu en Xixón nel periodu de tiempu citáu arriba. Nesti sen, llueu d’un primer epígrafe con unes anotaciones previes de calter técnicu y una güeyada mui xeneral y necesariamente curtia del panorama teatral asturianu atendiendo a la historia del teatru n’Asturies, al númberu de representaciones, de compañíes y de festivales, a les recaudaciones y dellos otros datos, rellaciónense en segundu llugar les fontes bibliográfiques y hemerográfiques consultaes pa la ellaboración del testu y los gráficos emplegaos. Nel epígrafe 3 del trabayu ponse l’enfotu na redaición d’una pequeña ficha-resume de caúna de les obres representaes a lo llargo del periodu temporal estudiáu onde se presenta una curtia sinopsis del argumentu de la obra y delles notes sobro l’autor, el director, los actores y les actrices que participen, el llugar de representación, el xéneru…, asina como’l preciu de les entraes. Toos estos datos resumiránse per aciu d’una tabla nel epígrafe 4. Polo que se refier al quintu epígrafe del testu, íguase un pequeñu estudiu a partir de les informaciones presentaes nes anteriores estayes col envís de dar a conocer los datos qu’ufierten les representaciones n’asturianu nesti periodu referentes al xéneru teatral concretu, el tipu d’obra, etc. siempres con encontu de gráficos esplicativos. Ponse puntu al testu con unes conclusiones finales y la bibliografía.

   Esti artículu ta basáu nel TFM de títulu «La vida escénica en Gijón/Xixón (2011-2013)», presentáu y defendíu na UNED de Madrid n’ochobre de 2017 y dirixíu pol Dr. José Nicolás Romera Castillo, al que-y agradezo l’ayuda y les munches y valioses aportaciones ya indicaciones pa la so ellaboración.

   L'artículu pue descargase EQUÍ

lunes, 22 de enero de 2018

Artículu "El Comercio" del Pallabreru del Surf

Güei déxovos un artículu, o una crítica, al Pallabreru del Surf qu'Iván Villar sacó'l pasaú 6 de xineru, coincidiendo col día de reis n'El Comercio. Dalgunos verán l'artículu como un regalu, otros... podéis lleelu y dempués opinar d'él. Yo voi davos la mio opinión nunos díes :) El inglés coloniza el 'pallabreru' del surf
Un glosario de la Oficina de la Llingua para fomentar el uso del asturiano contiene un 60% de términos anglosajones
IVÁN VILLAR GIJÓN. Sábado, 6 enero 2018, 00:53
Después del fútbol, la natación, el baloncesto, el balonmano, el ciclismo, la hípica, el atletismo, los bolos y el monte y la escalada, este año le ha tocado el turno al surf. La Oficina de Normalización Llingüística ha publicado una nueva edición de sus ya tradicionales 'pallabreros', publicaciones monográficas que tienen como objetivo «que los deportes que practica la gente en Asturias puedan ser vividos y contados en la lengua del país». Para ello, además de resumir la historia, reglas y particularidades de la disciplina a la que está dedicado, cada 'pallabreru' recoge un listado de términos propios de su práctica, con su correspondiente definición. Todo, por supuesto, en asturiano. En el caso del surf, sin embargo, los autores han topado con el absoluto dominio del inglés sobre el vocabulario referente a técnicas, variedades y elementos de este deporte, cuyo propio nombre carece de una palabra equivalente en asturiano. El resultado ha sido un glosario en llingua en el que seis de cada diez términos vienen en inglés.
Así, el 'pallabreru' define como 'kook' al «aspirante a surfista con poca capacidá», puntualizando que se trata de un término «despeutivu». Un 'cross step' es una «maniobra na que se camina cruzando una pierna delantre de la otra pa llegar a la parte delantera o 'nose' de la tabla». Y cuando alguien habla de 'ding' se refiere al «furacu o abolladura na tabla por mor de daños accidentales». También hay, no obstante, aspectos y situaciones propias de este deporte que sí han encontrado un vocablo en asturiano equivalente al utilizado en cualquier otra costa del mundo. Los autores identifican como 'tamañeru' al surfista de olas gigantes o 'big rider'. Y llaman 'llavadora' a la situación en la que alguien que se cae de su tabla es absorbido por la ola con un movimiento circular, lo que a nivel internacional se conoce como 'over the falls'.
En total, la publicación recoge 139 términos relacionados con el surf, de los que 85 son en inglés. En el 'pallabreru' propiamente dicho, es decir el listado de vocablos ordenados alfabéticamente y acompañados de su correspondiente definición, constan 87 palabras, de las que 67 (77%) son en inglés. Pero a lo largo de las 36 páginas que componen la edición, se pueden encontrar otros 52 vocablos relacionados con el surf, agrupados en diferentes secciones temáticas, entre los cuales solo 18 (34%) son anglosajones.
'Inventu' y 'escarpinos'
Entre los tipos de tabla, junto al 'pinchu' -«llarga y afilada»- y el 'tablón' -«la más grande y que meyor flota»-, aparecen el 'thruster', el 'becker kids', el 'short' y el 'morey dole'. Y entre sus partes solo el 'inventu', la 'quilla' y el 'tapón' logran encontrar un hueco entre los 'rails', el 'nose', el 'tail', el 'outline', el 'deck', el 'bottom' y el 'rocker'. Como modalidades del deporte, por su parte, se mencionan el 'bodyboard', 'stand up padel', 'longboard' y 'kneeboard'.
A la hora de hablar de la indumentaria la situación ya se iguala, con los 'escarpinos' y el 'rayador' plantando cara a los 'boardshorts' y el 'grip'. Hay que ir a las partes y tipos de olas ('foles') para encontrar un campo donde el asturiano sí navega solo. En la primera categoría, para hablar del 'tubu', el 'llabiu', el 'furacu', el 'brazu' o la 'parede'. En la segunda, para diferenciar entre 'barra', 'folanchu', 'folanchón', 'gayola', 'gayudu' y 'refolón' y para hablar de 'fola oriellera', 'fola de sable', 'fola tubera', 'fola güeca', 'fola fofa' y 'fola quedada', así como de 'marexada' y mar 'remontada'.

viernes, 19 de enero de 2018

Pallabreru del surf

Nel mes d’avientu de 2017, la Oficina de Normalización Llingüística de Xixón asoleyaba El pallabreru del surf, una nueva entrega de los sos materiales normativos. Los testos fueron fechos comuña pol mio collaciu Daniel Alonso Sevares (Profesor d’Educación Física, Espertu en Llingua Asturiana, Preparador Físicu nel Real Sporting de Xixón y amante del surf) y por min.
Esti cartafueyu, col preste de la Federación de Surf del Principáu d’Asturies y con prólogu de la campeona d'España de Surf, la xixonesa Lucia Martiño, y presentáu na gala añal de surf el 9 d’avientu.
Esti númberu cunta con 36 páxines nes que vais poder averavos a la Historia mundial del Surf y a la so incidencia n'Asturies en xeneral y en Xixón en particular, amás de conocer en qué sableres se pue facer surf y lo que cinca a les tables, les foles y encamientos a la hora de surfear.
Podéis atopar esti cartafueyu pa la so descarga na páxina web en formatu PDF y consiguilu en formatu papel recoyéndolu na Oficina Municipal e la Llingua (CMI Antiguu Institutu-Calle Institutu de Xixón) n'horariu de 9:00 a 14:00 hores de llunes a vienres.
Espero que vos preste y, sobre manera, qu’opinéis :)


Foto: © Juan Jareño

jueves, 18 de enero de 2018

Volvemos a la carga

Va tiempu que nun escribo. La última vegada qu'escribí acababa diciendo "espero que la próxima entrada nun tarde tanto como esta". Nun cumplí la mio pallabra y tardé, exauta,ente, 6 años en volver a poneme delantre d'un blogue. Prometo escribir una vegada, polo menos, al mes y siguir cuntándovos les mios esperiencies lliteraries. Foi, otra vuelta, un placer tar con vosotros.

viernes, 27 de enero de 2012

Crítica de La Nueva España a La Vuelta

Como vos prometí equí toi falándovos de la crítica a La Vuelta que salió ayeri día 26 de xineru de 2012 en La Nueva España.
Ayeri púnxeme a lleer el periódicu como tolos díes y de sópitu'l mio collaciu dizme: "Sales en periódicu", miré pa él y díxe-y: "¿ónde?" y retrucóme "En cultura, toma lleelu".
Garré aquella fueya con dalgo de mieu, diben xulgar algo escrito por mio, sentíame como'l que ta delantre un tribunal. Agora equí vos dexo'l testu pa que xulguéis vosotros. Yo nun sé si ye bona o mala, si me gistó o non porque ye la mio primer vez, pero doi les gracies a Antón García por facela.

Con llingua propia

Una revolada curtia
«La vuelta», un cuentu de David Fernández

Antón García. La Nueva España, Xueves 26 de xineru de 2012

Nestes últimes décades, el cuentu n'asturianu ocupa un llugar de privilexu tanto pola cantidá (frente al escasu númberu que conocemos anterior al Surdimientu) como pola calidá. Pue dicise que ye'l xéneru que meyor ta faciendo'l retratu d'esta sociedá, quiciabes porque la novela tovía nun llogró'l desarrollu que s'esperaba. La variedá de cuentos permite estremar yá xéneros y autores, y dende llueu puen dase nomes de toa solvencia. Ente los cuentistes qu'a min más me presten ta Pablo Antón Marín Estrada con esi apunte certeru que fai de les cuenques mineres asturianes. o Milio Rodríguez Cueto y la observación atenta del mundu que lu arrodia nel que siempre atopa un motivu de refexión orixinal. Pero hai munchos más nomes, de Miguel Rojo a Xuan Bello. de Paquita Suárez Coalla a Francisco Álvarez, de Xandru Fernández al mui lliterariu Sánchez Vicente, pasando por Montserrat Garnacha. Carlos Rubiera, Pablo X. Suárez. Xabiero Cayarga. Xulio Viejo. Adolfo Camilo Díaz o Quique Faes, por citar namás los que se me vienen agora a la cabeza.

Quiciabes por eso, pol importante desarrollu que llogró la narrativa breve asturiana nestos años, la FNAC decidió convocar un premiu de relatu curtiu n'asturianu, una sorprendente y agradable novedá. sobre too teniendo en cuenta que nun fexo la más habitual convocatoria pal castellanu. La idea yera celebrar el décimu aniversariu de la so presencia n'Asturies. El breve cuentu ganador, «La vuelta» de David Fernández (Candás, 1981, coedítalu con Suburbia Ediciones como llibru. Del ganador conocemos dalgún otru cuentu estimable, pero sobre too un llibru bien interesante. escritu xunto col so hermanu Xurde y ilustráu por Francisco Pimiango, Antón quería ser porteru.

Si tomamos en consideración aquella sentencia puxilística de Cortázar, de que la novela gana por puntos onde'l cuentu tien que ganar por ko. «La vuelta» de Fernández parez un relatu empeñáu en sumar puntinos en vez de buscar golpes directos. Cuenta en primer persona la historia d'un rapaz que quier conocer mundu, y entama'l viaxe de la vida marchando d'Asturies a Barcelona !en Talgo! Nun pasa d'esta ciudá, onde topa un trabayu temporal, una pensión na que s'entiende cola ama, dalguna insatisfacción vital, una novia de puticlub cola que casa y a la que maten, buscando darréu la manera de vengase de los asesinos. Si pensamos que too esto ta escrito, con cierto desaliño, n'once páxines, parez que tamos más delantre'l borrador d'una novela negra que d'un cuentu. L'autor pasa cásique de dides sobre'l protagonista, que ye'l filu conductor de la historia, mientres que'l restu de los personaxes entra y sal del relatu ensin dexar malapenes posu.